ဆရာဖေမြင့်ဘာသာပြန်ထားတဲ့ CHICKEN SOUP FOR THE SOUL

ဆပ်ကပ်

လူကောင်းတစ်ယောက်ရဲ့ဘ၀မှာ
အကောင်းဆုံး အစိတ်အပိုင်းဆိုတာ
မကြီးကျယ်တဲ့၊အမည်မဖော်တဲ့၊အမှ

တ်တရပြုမနေတဲ့
အကြင်နာ၊မေတ္တာ အပြုအမူလေးများပါ။
                                                   ၀ီလျံဒ်စ၀ပ်

    ကျွန်တော် လူပျိုပေါက် အရွယ်လောက်က ဖြစ်သည်။ အဖေနှင့် ကျွန်တော် ဆပ်ကပ်ပွဲအတွက် လက်မှတ် တန်းစီနေကြသည်။ အတော်ကြာ စောင့်ဆိုင်းပြီသည့်နောက်တွင် လက်မှတ်ပေါက်နှင့် ကျွန်တော်တို့ကြားမှာ မိသားစုတစ်ခုသာ ကျန်လေသည်။
    သည်မိသားစုကိုကြည့်ပြီး ကျွန်တော် သဘောကျနေမိသည်။ ကလေးချည်း ရှစ်ယောက်ပါသည်။ တစ်ယောက်မျှ ၁၂ နှစ်ပြည့်သေးပုံမရ။ သူတို့အသွင်အပြင်တွေ ကြည့်ယုံဖြင်ပင် ငွေကြေး ပြည့်ပြည့်စုံစုံထဲက မဟုတ်ကြောင်း သိနိုင်သည်။ အ၀ိတ်အစားတွေက အဖိုးတန်ထဲက မဟုတ်။ သို့သော် သပ်သပ်ရပ်ရပ်ရှိသည်။ ကလေးတွေက အမူအရာ ယဉ်းသည်။ မိဘများနောက်မှာ နှစ်ယောက်တစ်တွဲ လက်ချင်းချိတ်ပြီးတန်းစီနေကြသည်။ သို့သော်နှုတ်ကမူ ညဘက်တွင် သူတို့ကြည့်ရမည့် ဆပ်ကပ်လူပျက်များ၊ ဆင်လိမ္မာများနှင့် အခြာပြကွက်များအကြောင်းကို အားတတ်တရော ပြောဆိုနေကြသည်။ သူတို့လေးတွေခမျာ ဆပ်ကပ်ပွဲ တစ်ခါမျှ  ကြည့်ဖူးကြဟန် မတူ။ သည်ညကတော့ သူတို့ဘသမှာ တကယ့်အမှတ်တရည ဖြစ်တော့မည့် ပုံမျိုး။
    အဖေနှင့်အမေက အုပ်စုထိပ်မှာ ၀မ်းမြောက် ဂုဏ်ယူသည့် အသွင်အပြင်များဖြင့် ရပ်နေကြသည်။ ကလေးတွေ၏ မိခင်ကခင်ပွန်းသည်၏ လက်ကိုကိုင်လျက် သူ့မျက်နှာကို ရွှန်းရွှန်းစားစား ကြည့်နေပုံမှာ 'မေ့ချစ်သူလူစွမ်းကောင်းကြီး' ဟုနှုတ်ခွန်းဆက်နေဘိအလား အထင်ကြီးမှု။၊ လေးစားမှု လက္ခာဏာတွေ အပြည့်ပါသည်။ ခင်ပွန်းသည်ကလည်း'အားကိုးစမ်းပါ အချစ်ရယ်' ဟုခွန်းတုံ့ပြန်နေသည့်နှယ် ဂုဏ်ယူသော အပြုံးနှင့်ချစ်ကြည်နူးစွာ ကြည့်သည်။
    သည်အခိုက် လက်မှတ်ရောင်းသော အမျိုးသမီးက အဖေလုပ်သူအား လက်မှတ် ဘယ်နှစ်စောင်ယူမလဲ လို့လှမ်းမေးသည်။
    'ကျွန်တော် ကလေးလက်မှတ် ရှစ်စောင်နဲ့ လူကြီးလက်မှတ် နှစ်စောင် လိုချင်ပါတယ်၊ အဲဒါမှ ကျွန်တော်တို့ တစ်မိသားစုလုံး လာလို့ရမှာ' သူက တက်တက်ကြွကြွပင် ဖြေသည်။
    အမျိုးသမီးက လက်မှတ်ခ နှုန်းထားများကို လှမ်းပြောသည်။
    ဇနီးသည်က သူ့ခင်ပွန်းသည်၏လက်ကို လွှတ်ချလိုက်ပြီး ခေါင်းလည်း ငုံ့သွားသည်။ အမျိုးသား၏ နှုတ်ခမ်းတွေ တဆတ်ဆတ် တုန်လာသည်. သူရှေ့သို့ အနည်းငယ် တိူးကာ "ဘယ်လောက်ဗျာ" ဟူ၍မေးသည်။
    လက်မှတ်ရောင်းသော အမျိုးသမီးက ဈေးနှုန်းထားများကို ထပ်ပြောသည်။
    အဖေလုပ်သူမှာ ပိုက်ဆံ အလုံအလောက် မပါ။
    သို့သော် သည်အချိန်ကိမှ သူ နောက်ဘက် လှည့်ကာ ကလေးတွေကို အဖေ့မှာ ပိုက်ဆံ အလုံအလောက်မပါလို့ သည်ည ဆပ်ကပ်ကြည့်နိုင်မှာ မဟုတ်ဟုဘယ်သို့ ပြောထွက်နိုင်ပါမည်နည်း။
    ဖြစ်ပျက်ပုံ အလုံးစုံကို မြင်ကာ ကျွန်တော့်အဖေကအင်္ကျိအိတ်ထဲ လက်နှိုက်သည်။ ဒေါ်လာ ၂၀ တန် တစ်ရွက် ထုတ်လာပြီးနောက် မြေကြီးပေါ် အသာပစ်ချသည်။ (ကျွန်တော်တို့လည်း ချမ်းသာသူများ မဟုတ်ကြောင်းကြားဖြတ်ပြောလိုပါသည်။) ထို့နောက် အဖေပဲ သည်ပိုက်ဆံကို ပြန်ကောက်ကာ ကလေးဖခင် ပခုံးကိုသွားပုတ်ပြီး ပြောသည်။ "ဒီမှာခင်ဗျ၊ စောစောက ခင်ဗျားအိတ်ထဲက ထွက်ကိသွားတယ်"
    အဖေဘာလုပ်နေသည်ဆိုတာ ထိုပုဂ္ဂိုလ် ကောင်းစွာနားလည်လိုက်ပါသည်။ ဘယ်သူ့ဆီမှာမှ သူလက်ဖြန့်တောင်းခံခဲ့သည်တော့မဟုတ်။ သို့သော် သည်လိုအသည်းအသန် အရေးတကြီးအချိန်၊ ဖခင်တစ်ယောက်အနေနှင့်အရှက်ကြီး ရှက်ရမည့် အဖြစ်မျိုး ကြုံအံ့ဆဲဆဲ အချိန်တွင် မမျှော်လင့်ဘဲ ပေါ်ပေါက်လာသည့် သည်အကူအညီအတွက် သူတကယ်ဘဲကျေးဇူးတင်သွားခဲ့သည်။ အဖေ့မျက်လုံးအစုံကို သူ စူးစိုက်၍ကြည့်သည်။ ဒေါ်လာ ၂၀ တန်ကိုင်ထားသော အဖေ့လက်ကို သူ့လက်နှစ်ဖက်နှင့်ဖျစ်ညှစ်ဆုပ်ကိုင်ကာ တုန်ယင်သော နှုတ်ခမ်းများဖြင့် ကျေးဇူးတင်စကား ဆိုသည်။
    "ကျေးဇူးတင်ပါတယ်ခင်ဗျာ တကယ့်ကို ကျေးဇူးပါပဲ၊ ကျွန်တော့်အတွက်ရော ကျွန်တော့်မိသားစုအတွက်ပါ အဖိုးမဖြတ်နိုင်ပါဘူးခင်ဗျာ" သည်လိုပြောရင်း သူ့ပါးပြင်ပေါ် မျက်ရည်တစ်ပေါက် လိမ့်ဆင်ကျလာသည်။
    အဖေနှင့်ကျွန်တော် ကားဆီ လှည့်ပြန်ကာ အိမ်သို့ပဲ မောင်းလာခဲ့ကြသည်။ အဲသည်ည ဆပ်ကပ်ပွဲသို့ ကျွန်တော်တို့ မသွားကြပါ။ သို့သော် သည်ညသည်အချည်းနှီးတော့ လုံးဝ မဟုတ်ခဲ့ပါ။